കൊല്ലം: ഭിന്നശേഷി സംവരണവുമായി ബന്ധപ്പെട്ട് വിദ്യാഭ്യാസ മന്ത്രി പത്രസമ്മേളനത്തിൽ പറഞ്ഞ കാര്യങ്ങളെ പ്രതീക്ഷയോടെ നോക്കിക്കാണുന്നുവെന്നു കെസിബിസി വിദ്യാഭ്യാസ കമ്മീഷൻ ചെയർമാൻ ഡോ. പോൾ ആന്റണി മുല്ലശേരി.
എൻഎസ്എസിനു ബാധകമായ വിധി മറ്റു മനേജുമെന്റുകൾക്കും ബാധകമാണെന്ന് വിദഗ്ധ നിയമോപദേശം ലഭിച്ചുവെന്നാണ് പത്രസമ്മേളനത്തിൽ മന്ത്രി പറഞ്ഞിട്ടുള്ളത്. ഇത് കത്തോലിക്ക മാനേജുമെന്റുകൾ നേരത്തേ തന്നെ അഭിപ്രായപ്പെട്ടിട്ടുള്ളതാണ്.
സുപ്രീംകോടതിയുടെ വിധിയിൽതന്നെ സമാനമായ മാനേജുമെന്റുകൾക്കു ബാധകമാണെന്നു വ്യക്തമാക്കിയിട്ടുണ്ട്. ഇത് സർക്കാരിനെ കത്തോലിക്ക മാനേജ്മെന്റുകൾ അറിയിച്ചിരുന്നതാണ്. ഈവിഷയം സമവായത്തിലൂടെ പരിഹരിക്കുവാൻ മാനേജുമെന്റുകൾ വിദ്യാഭ്യാസമന്ത്രിയെ കണ്ടപ്പോഴെല്ലാം പറഞ്ഞിരുന്നതാണ്.
തെരഞ്ഞെടുപ്പിന്റെ ഈ സാഹചര്യത്തിലുള്ള നിലപാടുമാറ്റം പലവിധത്തിലുള്ള സംശയങ്ങളും ജനിപ്പിക്കുന്നുണ്ട്. എങ്കിലും കാര്യങ്ങളെ പോസിറ്റീവായി സമീപിക്കാനാണ് കത്തോലിക്ക സഭയ്ക്ക് താത്പര്യമെന്നും അദ്ദേഹം പറഞ്ഞു.
E-paper LOGIN
LOGIN